Арнайы кітапхана қызметкерлері «Альрами» клуб үйінің тәрбиеленушілеріне Семей ядролық полигонының жабылғанына 35 жыл толуына орай «Қайталанбас үшін – есте сақта» атты танымдық сағатын өткізді.

Іс-шара барысында қатысушылар полигон тарихы және оның зардаптары туралы тағылымды деректермен танысып, өлеңдер оқыды. «Что мы знаем о Семипалатинском полигоне?» викторинасы мен «Біз бейбітшілікті таңдаймыз!» шығармашылық ойыны арқылы ынтымақтың қадірін тереңірек сезінді.

Кездесу соңында «Семей полигоны: қасірет және тағылым» атты кітап көрмесіне шолу жасалды.

Тарихты ұмытпау – өткеннен сабақ алып, бейбіт болашақты бағалау!