2022 жылы 7-ші маусымда Облыстық арнайы  кітапхана төрінде «Бір ел-бір кітап» республикалық акциясы бойынша, Ахмет Байтұрсыновтың 150 жылдық мерей тойына орай «Шабыт» клубының белсенді оқырмандарына «Ел бүгіншіл, менікі-ертең үшін» деп аталатын поэзия кеші өтті. Бұл кеште қазақ ақыны, мемлекет қайраткері А.Байтұрсыновтың «Қырық мысал» жинағынан үзінді оқылып, ақын жайында бейнебаян көрсетілді. 

Ахмет Байтұрсынұлы - қазақтың ақыны, әдебиет зерттеуші ғалым, түркітанушы, публицист, педагог, аудармашы және қоғам қайраткері, Қазақ халқының XX ғасырдың басындағы ұлт-азаттық қозғалысы жетекшілерінің бірі, мемлекет қайраткері, қазақ тіл білімі мен әдебиеттану ғылымдарының негізін салушы ғалым, ұлттық жазудың реформаторы, ағартушы және Алаш-Орда өкіметінің мүшесі.

Ақынның құрметіне Қазақстанның көшелері мен мектептері, тіл білімі институты, Қостанай қаласындағы университет аталды және көрнекті қайраткердің құрметіне мұражай үйі мен ескерткіші ашылды.