25 тамыз күні №82 арнайы балабақшада 1 қыркүйек – Білім күніне орай тәрбиеленушілерге арналған «Кітап – білім әлемінің кілті» атты танымдық іс-шара өткізілді.

Іс-шараның негізгі мақсаты – бүлдіршіндерге кітаптың адам өміріндегі маңызын түсіндіру, кітап оқуға деген қызығушылығын арттыру, білімге құштарлығын ояту және кітапты ұқыпты ұстауға тәрбиелеу.

Шара барысында балалар кітаптың адамға білім мен тәрбие беретінін, оның қызықты ертегілер мен әңгімелер әлеміне жетелейтінін білді. Балаларға кітапхана, кітаптың құрылысы, оның кейіпкерлері туралы қарапайым әрі түсінікті мағлұматтар берілді.

Тәрбиеленушілер түрлі қызықты ойындар мен танымдық тапсырмаларға белсене қатысып, жұмбақтардың шешуін тауып, ертегі кейіпкерлерін таныды, кітаптар туралы өз ойларымен бөлісті. Сонымен қатар балаларға сүйікті ертегілері мен кейіпкерлері туралы сұрақтар қойылып, олардың есте сақтау, ойлау және шығармашылық қабілеттерін дамытуға бағытталған тапсырмалар орындалды.

Іс-шара барысында балалар кітаптың жақсы дос әрі білімнің қайнар көзі екенін түсініп, кітапты құрметтеуге, оны таза әрі ұқыпты ұстауға үйренді. Көңілді ойындар мен қызықты тапсырмалар бүлдіршіндердің белсенділігін арттырып, шараның мазмұнын қызықты әрі әсерлі өткізуге мүмкіндік берді.

«Кітап – білім әлемінің кілті» атты іс-шара балалардың кітапқа деген алғашқы қызығушылығын қалыптастырып, білім алуға деген ынтасын арттырған мазмұнды кездесулердің бірі болды. Білім күні балалар үшін жаңа оқу жылына жақсы көңіл-күймен қадам басуға, кітаптың ғажайып әлеміне саяхат жасауға мүмкіндік берген жарқын мерекелік шараға айналды.