30 наурыз күні Бұқар жырау атындағы әдебиет және өнер мұражайының қабырғасында облыстық арнайы кітапхана зағип оқырмандарға 30 жылдан астам тарихы бар  Бұқар жырау атындағы облыстық әдебиет және өнер мұражайы туралы өлкетану оқуын өткізді. Арнайы кітапхана оқырмандары мұражайдың ашылу тарихымен танысты, экскурсовод Мейрамғали Қайроллаұлы оқырмандармен музейдің тарихи құнды жәдігерлері қойылған музей залдарын аралап шықты. Көне түркі жазуы, ұлы жазушылар мен ақындардың шығармалары қойылған залды тамашалады. Экскурсовод 20 ғасыр әдебиетіне, Алашорда қайраткерлері мен замандас жазушы-ақындардың өмірбаяндары мен шығармашылығына жан-жақты шолу жасады.