22-ші қаңтар күні Облыстық арнайы кітапханада Елбасымыз Нұрсұлтан Әбішұлы Назарбаевтың 80-жылдығына орай, «Тәуелсіз Қазақстан: қазіргі заман тарихы мен сабағы» атты кітап көрмесі ұйымдастырылды. Көрмені тамашалауға Павлодар қаласының №25-ші жалпы білім беру мектеп оқушылары қатысты. Тұңғыш президенттің өмірінен және еңбек жолындағы тарихынан қызықты да, ауқымды мәлімет айтылды. Сонымен қатар Н.Ә.Назарбаевтың нақыл сөздер жинағын оқырман қауымға насихаттау жүргізілді. Кітап көрмесіндегі 7 кітапқа ерекше тоқталып, шолу жасалып, афоризімдері оқылды. Оқушылар өз тарапынан елбасы туралы ақпараттарымен бөлісіп, тәуелсіздік жолындағы үлгі тұтар игі істерін айтып өтті. «Елбасы жолы» бейнебаян көрсетіліп, сұрақ–жауап арқылы ойымыз түйінделді.