Облыстық арнайы кітапхана ағымдағы жылдың 7 желтоқсан күні Елбасының «Болашаққа бағдар: рухани жаңғыру» атты бағдарламалық мақаласының аясында Жұмат Шанинның 125-жылдығына арналған «Режисер, драматург, актер»  атты әдеби сағатын өткізді.

Әдеби сағатта Бұқар жырау атындағы обдыстық әдебиет және өнер музейінің өкілдері қатысып, оқырмандарға Ж.Шанин өмірінен қызықты ақпараттар мен бейнебаяндар ұсынылды. Сондай-ақ С.Торайғыров атындағы ПМУ «Орындаушылық өнер» кафедрасының студентері мен музей қызметкерлері әсем әндерімен оқырмандардың көңілінен  шықты.

Жарық жұлдыз, жерлесіміз, қазақ халқының ұлттық өнерінің дамуына зор үлес қосқан актер, музыкант, жазушы-драматург, еліміздің алғашқы режиссерінің бірі - Жұмат Шанин – тұрақты қызығушылыққа, құштарлыққа, жаңалыққа, оқу мен  дамуға, сынамаларға және ойларды іске асыруға  мысалға толы.