5 маусым күні Дүниежүзілік қоршаған ортаны қорғау күні аясында Облыстық арнайы кітапхана «Альрами» клуб үйінің тәрбиеленушілеріне арналған «Су ресурстарына ұқыпты қарау» атты ақпараттық сағат өткізді.

Іс-шараның мақсаты – экологиялық мәдениетті қалыптастыру, табиғатқа және су ресурстарына ұқыпты қарауға тәрбиелеу.
Қатысушыларға судың адам өміріндегі маңызы, өзендер мен көлдердің тазалығын сақтаудың қажеттілігі, сондай-ақ су ресурстарын тиімді пайдалану ережелері туралы айтылды.

Іс-шара барысында клуб үйінің тәрбиеленушілері су туралы қызықты деректермен танысып, әңгімеге қатысып, сұрақтарға жауап беріп, викторинаға белсенді қатысты. Табиғатты қорғау және қоршаған ортаны сақтауда әр адамның жауапкершілігі мәселелеріне ерекше назар аударылды.

Іс-шара соңында тақырыпқа сәйкес кітаптарға шолу жасалды.