«Отбасы күні» мерекесі қарсаңында облыстық арнайы кітапханада «Тәрбие отбасынан басталады» тақырыбында дауыстап оқулары ұйымдастырылды. Арнайы кітапхана оқырмандары  Адамжанова Гүлнар, Айари (қызы), Булумбаева Зайра дауыстап оқуына қатысты. Таныса отыра, қонақтарымыз өз отбасында қандай дәстүрлер мен салт -жоралар насихатталатынын айтты. Сөз бастағанкөз мүгедегі белсенді оқырман  Гүлнар А, қызы Айари оған үйдің шаруасына толықтай көмектесетінін, қызының кез келген көмегі оның үшін өте маңызды екенін айта кетті. Гүлнар А. қызын ауруына қарамастан «Тоғыз құмалақ» үйірмесіне апарады. Яғни, бала кезінен ұлттық ойындарға деген сүйіспеншілікті оятады.

Қонақтардың әрқайсысы өзінің отбасылық бақыты мен отбасындағы татулықтың сырын айтты.

Қорытындылай келе отбасылық дәстүрлер, берік негіздер мен ұстанымдар, өзара сыйластық, шыдамдылық пен тәрбие отбасында жоғары адамгершілік ахуал қалыптастыруға ықпал етеді.