Туған күнді көпшілігіміз асыға күтеміз. Сыйлық алу, көпшіліктің ықыласына бөлену, жылы лебіздер есту – ізгіліктің бәрі осы атаулы күнде болып жатады. Қалай болғанда да, жылдың 365 күнінің бір күнін ерекше қарсы алып, өзіңе назар аударып, жалғыз емес екенін сезіну артық етпесі анық.

29 сәуір күні облыстық арнаулы кітапханада сәуір айында дүниеге келген арнайы кітапхана оқырмандарына туған күніне орай мерекелік концерт ұйымдастырылды. «Домовята» театр шеберханасының музыкалық жетекшісі Ж.Баженованың және жастармен жұмыс бойынша әдіскері Ильсова Фирузаның орындауында барлық туған күндерге арналған тамаша құттықтаулар мен әндер шырқалды..