Қазақстанда 27 қыркүйекте атап өтілетін Еңбек күніне орай, №7 арнайы мектеп-интернатында 10 «А» және 10 «Б» сынып оқушыларына арналған «Өз ісінің шебері » атты кездесу өтті.

Бұл кездесу оқушылар үшін ерекше маңызды болды. Себебі олар мектепті аяқтап, жақын арада үлкен өмірге қадам басып, болашақ мамандығын таңдап, өз жолдарын анықтауы тиіс.

Кездесудің басты кейіпкері — көру қабілеті бойынша I топ мүгедектігі Ким Сауле,  макраме шебері, қалалық және облыстық байқаулардың қатысушысы, компьютерлік сауаттылық пәнінің оқытушысы, облыстық арнайы кітапхананың мәдени және қоғамдық өміріне белсенді қатысушы.

Сауле оқушыларға өзінің өмірлік және кәсіби жолы, шығармашылығы, еңбегі, байқауларға қатысуы туралы айтып, қиындықтарға мойымай, өз қабілеттерін үнемі дамыту маңызды екенін жеткізді.

Оқушылармен «Мен не істей аламын?» атты интерактив өткізілді. Жастар өздерінің қабілеттері, қызығушылықтары мен армандары туралы айтып, өздерінің мықты жақтары мен болашақ мамандықтары туралы ой бөлісті.

Кездесу денсаулық мүмкіндігі шектеулі болса да, бұл еңбек етуге, шығармашылықпен айналысуға, кәсіби тұрғыда дамуға және толыққанды өмір сүруге кедергі болмауы керек деген маңызды ойды көрсетті.

Сауленің өмірлік үлгісі мектеп бітіруші жастарға өз күшіне сенуге, таланттарын дамытуға және үлкен өмірге нық қадам басуға шабыт берсін!